Some Articles


تعرف انك ممكن تبيع كهربا لشركة الكهربا
إزاي الكلام ده ؟؟؟

تعالى هقولك .... دلوقتي اذا ركبت خلايا طاقة شمسية فوق المبني بتاعك او فوق بيتك تقدر تقدم طلب وتتوصل بشبكة شركة التوزيع اللي في المكان اللي فيه المبني او البيت وتركب عداد بيقيس استهلاكك وكمان انتاجك وفي اخر كل شهر تتحاسب مع شركة التوزيع على الصافي اللي بينهم

ومش بس هتستفيد من الطاقة الشمسية دي انك تقلل فاتورة الكهرباء الشهرية بتاعتك ولكن كمان هتقدر اذا انتجت اكثر من استهلاكك طول السنة انك تبيعه للشركة وتأخذ تمنه اخر كل سنة مالية يعني في اخر يونيو وبسعر اللي بيحدده هو جهاز تنظيم مرفق الكهرباء وحماية المستهلك مش شركة التوزيع

يعني مثلا اذا استهلكت 1500 كيلووات ساعة وانتجت 600 كيلووات ساعة بدل ما تدفع استهلاكك كله بسعر الشريحة اللي فوق الـــ 1000 كيلووات ساعة (اللي ب 1.35 جنية للكيلو) ودا تمنه حوالي 2065 هتدفع بس الفرق اللي هو 900 كيلووات ساعة واللي هيخلي فاتورتك حوالي 700 جنيه وتبقى وفرت 1365 جنيه في الفاتورة

اللينك ده فيه الكتاب الدوري اللي بينظم العملية دي :
http://bit.ly/2FfC2uw

وده فيه نموذج لعقد تبادل الطاقة وربط المحطة الشمسية بقدرة حتى 20 م.و بنظام صافي القياس على شبكات التوزيع

http://bit.ly/2maacYL

https://www.facebook.com/egyptera.official/photos/a.744373945620078.1073741837.164769720247173/1909356635788464/?type=3.

Our Activity

AGRI BUSINESS Exhibition